Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Rahn, Johann RudolfRain Anteriur lemma sequent

Rain
Cun var 1'230 km lunghezza e 252'000 km intschess idrografic (27'897 km sin intschess svizzer) in dals pli gronds flums da l'Europa. Il R. collia sis stadis tr. las Alps e la Mar dal Nord e sbucca en vischinanza da Rotterdam en l'Atlantic. El nascha al Lag da Tuma al pe dal Pez Badus (2344 m) e curra alura sco R. Anteriur vers La Punt/Rehanau, nua ch'el s'unescha cun il R. Posteriur che ha sia funtauna al Pez Valragn (3402 m). Al pe da l'Ellhorn a Flsch banduna il R. il Grischun per sbuccar alura en il Lai da Constanza e cuntanscher Basilea suenter avair percurr 376 km sin territori grischun e svizzer. Cun ses affluents ils pli impurtants - il Glogn, la Rabiusa, l'Alvra, la Plessur e la Landquart - drenescha el dus terzs da la surfatscha dal Grischun. Numerusas rivas umidas (ognas) d'impurtanza naz. e regiunala flancheschan il curs dal R., p.ex. l'Ogna da Pardiala a Vuorz e las Ognas da Razn. Il R. percurra per part era chavorgias selvadias sco quella da la Puntcrap e da la Viamala (R. Posteriur) resp. la Ruinaulta (R. Anteriur). Questas chavorgias e regiuns dal R. han svagli o.t. dapi il 18. tsch. l'interess dals artists, p.ex. da Ludwig Hess (1760-1800), il pli impurtant scuvrider artistic dal Grischun. Il R. era st il motiv principal da Johann Heinrich Bleuler (1758-1823) e da ses figl Johann Ludwig (1792-1850). La Puntcrap e la Viamala n adina stads passadis impurtants, cumbain difficils per il transit tras las Alps, ed ils ordvart numerus chastels en la Tumleastga conferman l'impurtanza da quella regiun, nua ch'il R. Posteriur e l'Alvra s'uneschan, sco porta als pass alpins. Sin ils R. Anteriur e Posteriur (davent da Tusaun) vegniva flott laina durant plirs tschientaners, e davent da Cuira era la via d'aua medemamain adattada per il transport da martganzia (Flottaziun). En ils onns 1832-92 han ins mess en rempars il R. tr. Cazas e Giuvaulta tenor ils plans da Richard La Nicca e colmat il nov terren argin. Dapi il 1919 n vegnids construids duas dunsainas lais d'accumulaziun da total ca. 773 miu. m en l'intschess dal R. Alpin: S. Maria/Lucmagn, Curnera, Nalps, Pigniu, Zervreila ed auters al R. Anteriur, Sur, Val da Lei e Murmarera al R. Posteriur. Il R. era in biotop per spezias d'utschels particularas: il maset da pal, il pitgalain pitschen, il maset nair. Ina greva vita han ils peschs: da las 30 spezias da peschs originaras n da cumprovar en il R. anc 19, mo set da quellas n frequentas. La Cumissiun guvernamentala internaz. R. Alpin (Svizra, Principadi da Liechtenstein, Austria) ha inizi in concept cumplessiv per l'avegnir dal R. Alpin tr. La Punt/Rehanau ed il Lai da Constanza, ed il 2003 han tschintg organisaziuns per la protecziun da l'ambient lantsch il project "R. vivent". Emprims pass per ina revitalisaziun dal R. n vegnids fatgs cun la renatiralisaziun tr. Cuira e Favugn.


Litteratura:
B. Weber, Graubnden in alten Ansichten, 1984; TG, 2005, nr 2 (tema); F. Kltzli e.a., Der Rhein - Lebensader einer Region, 2005.

Jrg Simonett

lemma precedents Rahn, Johann RudolfRain Anteriur lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :