Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Rufer, AlfredRuinelli lemma sequent

Ruinaulta
Chavorgia dal Rain Anteriur tr. Castrisch e La Punt/Rehanau, cun ina lunghezza da var 15 km. Enturn il 1880 ha il geolog Albert Heim rendý attent per l'emprima giada a quella chavorgia naschida da la pli gronda bova preistorica da l'Europa. Fin oz n'han ins betg pudý refutar sia ipotesa, tenor la quala l'entira massa da terra da 12-15 mia. m3 (15 km│) saja ida a val en ina giada. Tenor ina dataziun novissima da Clemens Augenstein Ŕ la R. sa furmada enturn l'onn 8000 a.C. Il Rain n'ha anc betg cuntanschý il fund da la bova. Il material consista d'in smugl da chaltschina dal Giura (epoca geologica) e da spelms erratics (p.ex. granit da Punteglias). La bova aveva stagnÓ in lai che s'extendeva da Castrisch fin tranter Tavanasa e Trun. Il Rain ha alura transportÓ il material da terra e crappa da la val oragiu. Las cascadas Ŕn sparidas, restadas Ŕn percunter las serpentinas impressiunantas, sco la "Chrummwag" sut la staziun da la Viafier retica da Versomi. Tras e sur la bova maina la via chant. da Panaduz a Valendau ed a Glion. Dapi il 1903 maina era la lingia da la VR Rehanau-MustÚr tras la chavorgia. La R. Ŕ registrada en l'Inventari fed. da las cuntradas e dals monuments natirals d'impurtanza naziunala. Il project per ina via directa tras la R. en Surselva Ŕ vegný suspendý.


Litteratura:
Radioscola, 4/1959, 1. cudischet, [7-13]; C. Augenstein, Spuren des Flimser Bergsturzes im Dachlisee (Obersaxen), en: JNGG, 114/2007, 43-57.

Adolf Collenberg

lemma precedents Rufer, AlfredRuinelli lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :