Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents RuinaultaRuinelli, Jacob lemma sequent

Ruinelli
Famiglia da notars da la Bergiaglia. Il num R. è attestà per l'emprima giada il 1435 ed è cumparì pli tard en las variantas Ruinella, de Ruinello e de Ruinellis. Il 1474 è menz. in Johannes, muliner a Suogl. Johannes Molinari de Ruinello ha surpiglià il 1529 l'uffizi da podestat (mastral) da la Bergiaglia. Jacob, giurist, notar ed interpret, ha acquistà il 1562 il chastè da Baldenstein. Cun ses biadi Jacob è s'extinguida la lingia dals R. da Baldenstein. Johannes († 1596) lavurava sco notar en professiun principala. Tschintg da ses sis figls èn stads medemamain activs sco notars en Bergiaglia, tr. quels Andrea, Daniel († 1596), ch'aveva survegnì in stipendi per Paris ed era stà notar en Vuclina, ed Anton ch'aveva studegià a Basilea e Heidelberg.  


Litteratura:
P. Fravi, Schloss Baldenstein, 1974; G. Pool, Bergeller Notare, en: JHGG, 1983, 63-154, o.t. 107-13.

Silvio Färber

lemma precedents RuinaultaRuinelli, Jacob lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: