Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Stuppan [Stupanus], Johann NicolausStürfis lemma sequent

Stuppan [Stupan], Victor
* 31-1-1907 a Sent, † 24-2-2002 a Sent, ref., da Sent. Figl da Michel, pur, e da Madlaina n. Valentin, da Sent. ∞ Mina n. Staub, da Thalwil/ZH, tgirunza d'uffants. Scolas a Sent, seminari ad Aschera, magister privat a Malögia e Turitg. Studi da mag. secundar (fil. I) a Turitg, Paris e Grenoble (1930-32). Scolast secundar a Turitg, Schlarigna, Puntraschigna (1933-47) e Landquart (1947-58). Magister a la Scola chant. a Cuira 1958-72. Suenter la pensiun, domicilià a Cuira. S. ha scrit istorgias curtas, novellas, poesias, gieus auditivs e teaters. Autur da monografias (da Sent e Puntraschigna). Cunredactur dal «Chalender ladin» 1940-45. Premi da la Fundaziun Schiller 1976, Premi dal Radio Rumantsch per il gieu auditiv «Divorzi» (1957).

Ovras:
BR, nrs 5012-21.

Litteratura:
Bezzola, Litteratura, 493-95; Deplazes, Die Rätoromanen, 177, 537; Deplazes, Funtaunas 4, 276.

Manfred Gross

lemma precedents Stuppan [Stupanus], Johann NicolausStürfis lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :