Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Stuppan [Stupan, Stuppa, Stoppa], Johann PeterStuppan [Stupan], Victor lemma sequent

Stuppan [Stupanus], Johann Nicolaus
* 9-12-1542 a Clavenna, † 11-8-1621 a Basilea, ref., da Puntraschigna e da Basilea (a partir dal 1575). Figl da Nicolaus, medi, e dad Ursina n. NN. ∞ 1) NN, 2) Regina n. Frey, 3) Katharina n. Iselin. Gimnasi  a Basilea, studis da filologia e medischina a l'Univ. da Basilea, magister artium 1565, dr.med. 1569. Prof. per eloquenza 1570, alura prof. per logica a la facultad dals artists (facultad filologica), prof. da medischina teoretica a la facultad da medischina da l'Univ. da Basilea 1589-1620 (substituì per part, causa malsogna, tras ses figl e successur Emanuel). S. è sa declerà senza resalvas aderent da l'uschen. medischina dogmatica dal medi e filosof Galen (Claudius Galenus, * ca. 129, † 199/200 a Roma). Ultra da quai ha el translatà ovras davart scienzas natiralas ed ovras istoricas dal talian en latin per render quellas enconuschentas al nord da las Alps. Il 1580 ha el vulì deditgar ina translaziun da l'ovra da Niccolò Machiavelli, «Il Principe», al prinzi-uvestg da Basilea Jakob Christoph Blarer von Wartensee che residiava a Pruntrut/JU e ch'era l'adversari politic e confessiunal da la citad da Basilea. En consequenza da quai è S. vegnì suspendì da sia incumbensa d'instrucziun (1581-84).   


Ovras:
Medicina theorica, 1614.

Litteratura:
Äskulap in Graubünden, 628-46.

Huldrych M.F. Koelbing

lemma precedents Stuppan [Stupan, Stuppa, Stoppa], Johann PeterStuppan [Stupan], Victor lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: