e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Furna Furter, Otto  Fürstenburg Il signuradi da F. en il Vnuost Superiur ha constituì da la Refurmaziun fin il 1803, ens. cun la Curt a Cuira, il domini territorial secular da l'uvestgieu da Cuira. Il chastè cun il medem num (rum. documentà Chastè dal prinzi, tal. Castel del Principe), erigì ca. 1280 da l'uv. Konrad da Cuira a Barbusch, ha furmà fin ca. 1800 in cuntrapol a la Churburg sper Schludern, suenter che quella era vegnida sdrappada als uvestgs da Cuira dals chastellans de Matsch. Sin la F. residiava fin il 1800 in chapitani episcopal che derschava a medem temp sur ils subdits da l'uvestgieu en il Vnuost. Adina puspè èn uvestgs fugids da las Trais Lias sin quest chastè. En il 16. tsch. han ils uv. Beatus a Porta e Peter de Raschèr amplifitgà a moda generusa il nuschegl vegl da la F. che consistiva d'ina tur grossa, d'in mir da defensiun e d'in chastè intern. Al signur dal Tirol (a partir dal 1363 ils conts de Habsburg) han els stuì conceder successivamain dretgs da cumproprietad. Dapi il 1884 è la F., che dat oz alloschi ad ina scola d'agricultura, en possess da la claustra da Mariamunt. Litteratura: Rampold, Vinschgau, 171 s.; M. Blass e.a., Die Fürstenburg, 2002; G. Sobiela-Caanitz, Il chastè dal prinzi. Vegls lioms tanter Cuira ed il Vnuost, en: LQ, 30-9-2003. Martin Bundi  Furna Furter, Otto  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: