Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents FürstenburgFurtga lemma sequent

Furter, Otto
* 20-8-1905 a S. Gagl, † 4-12-1998 a Tavau, ref., da Staufen/AG. Figl da Jakob, dissegnader da retgams. Emprendissadi da commerzi, perfecziunament a Paris, alura fotograf en l'atelier dad Emil Meerkämper a Tavau. Ses exempel e mentur era Albert Steiner. Il 1943 ha F. avert in affar da fotografia a Tavau e fundà ina chasa editura per cartas illustradas. El preferiva surtut ils panoramas, ils purtrets e la preschentaziun da la lavur agricula. Cun ses chalendaris e sias reportaschas fotograficas ha el sveglià l'interess e la chapientscha da la publicitad per la necessitad da proteger e sviluppar il territori alpin svizzer e gidar las vischnancas da muntogna. F. vegn considerà sco in dals pli gronds spezialists da la fotografia en alv e nair dal GR. Sias fotografias èn cumparidas en numerus cudeschs illustrads (tr.a. davart la Bergiaglia e la Val Müstair).


Archiv:
Otto F. AG, Tavau.

Litteratura:
Bündner Fotografen, edì da P. Hugger, 1992.

Peter Bollier

lemma precedents FürstenburgFurtga lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: