Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Tgira da monumentsTheobald, Anna Wilhelmina lemma sequent

Thalkirch
Fracziun (ens. cun Bäch) da la vischnanca polit. da Stussavgia, cun las culegnas situadas entadim la val. Regiun colonisada oriundamain da Rumantschs a partir da las vals limitrofas, o.t. dal Schons. Ils da T. eran p.p. subdits da l'uvestgieu da Cuira e da sia claustra a Cazas, p.p. eran els libers. Enturn il 1300 han la claustra da Cazas ed ils signurs de Vaz, enturn il 1350 ils signurs de Razén domicilià Gualsers dal Valragn a T. La pitschna populaziun rum. è vegnida alemannisada en pauc temp. Survivì han numerus toponims. Ina da las incumbensas principalas dals colonists gualsers è prob. stada da segirar e mantegnair la veglia ed impurtanta via da sauma che manava da Glion resp. Castrisch sur Pitasch ed il Günerlückli a T. e da là vinavant sur il Piz Calandari al Pass dal Spleia. Il 1441 ha T. obtegnì il dretg da batten e da sepultura ed il 1526 ha la vischnanca adoptà la cretta refurmada. Ina via da colliaziun tr. la glieud im Tall e quels da Versomi è vegnida realisada pir suenter il 1885.


Litteratura:
Bundi, Besiedlung; Gem. GR, nr 131, 1982; H. e L. Bandli, Im Safiental, 1991.

Adolf Collenberg

lemma precedents Tgira da monumentsTheobald, Anna Wilhelmina lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :