Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents StraifStrauss, Carl lemma sequent

Strassberg
Ruina da chastè en il territori da la vischnanca da Malix, situada sin ina collina furmada d'ina morena a sparun. L'areal dal chastè avanzà sa chatta al pe dal chastè principal, dal qual èn sa mantegnidas l'imposanta tur principala e parts dal mir da tschinta pli vegl. Al segund plaun sa chatta in'entrada auta, al terz e quart plaun locals d'abitar. Al nordvest da la tur era la latrina cun in scul en il mir. La curnisch è dentada (prob. tetg a piramida). Las parts las pli veglias da l'edifizi (mir da tschinta) dateschan prob. da la segunda mesadad dal 12. tsch., ils edifizis periferics e la tur da l'entsch. dal 13. tschientaner. S. era la sedia dals signurs cun il medem num, attestads il 1253. Il 1275 appartegneva il chastè als baruns de Vaz, pli tard è el passà tras ierta als conts de Toggenburg per finir, suenter ulteriuras midadas da possess, en ils mauns da l'Austria. Il chastè da S. è vegnì incendià durant la Guerra svabaisa (1499) ed è ina ruina dapi il 16. tschientaner.


Litteratura:
Clavadetscher/Meyer, Burgenbuch, 289-91.

Maria-Letizia Boscardin

lemma precedents StraifStrauss, Carl lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :