Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents StrassbergStredin Stredella lemma sequent

Strauss, Carl
* 4-10-1873 a Boston, † 28-9-1957 a Lags. Figl da William e d'Adelhaide NN. ∞ 1926 Helene n. Keller, da Hornussen/AG. Furmaziun a l'Academy of Fine Arts a Boston 1890-94, studis a Minca ed a l'Académie Julian a Paris 1896-97. Dal 1898-1915 ha S. abità surtut a Firenza, alura en Svizra (Stans, Ligiaun e Turitg). Il 1922 è el sa domicilià a Salums (vischn. da Lags). Autur da pictura idealisanta, influenzada da Hans von Marées e d'Arnold Böcklin. S. ha alura applitgà adina dapli la tecnica da gravura. Impurtants èn ses maletgs da cuntradas da la Toscana. A Salums è el sa deditgà a la cuntrada ed a la flora da ses conturns pli vischins e pli lontans. S. ha era creà illustraziuns da cudeschs. 


Litteratura:
SKL 4, 632 s.; Nachlass Carl S. 1873-1957, red. da H. Hartmann, 1974; BLSK 2, 1014.

Leza Dosch

lemma precedents StrassbergStredin Stredella lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: