Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Schlandersberg, Ulrich vonSchlans lemma sequent

Schlandersberg, von
Schlatta nobla dal Vnuost dal temp medieval tardiv e dal temp modern tempriv. Sco rom dals ministerials Montalban, ha la fam. adoptà il num dal chastè da S., erigì en il 13. tsch. sin in grip sur Schlander (Tirol dal Sid). Peter è crudà en la Battaglia a Sempach il 1386. Stretgas relaziuns cultivavan ils S. cun ils signurs von Wolkenstein, cun ils uvestgs da Cuira e cun il retg Sigismund, al qual els garantivan il passadi da l'armada roiala tras il Vnuost Superiur. Ils S. possedevan chastels en il Vnuost, a Tuer, sco era en la Val dal Rain (Klingenhorn, Neu-Aspermont, Ober-Ruchenberg) ed eran chastellans sin il chastè da Tarasp (Sebastian 1503-04, Hans 1509-14). Ulrich era landfoct austr. sin il chastè da Castels. La schlatta è s'extinguida il 1755.  

Archiv:
Südtiroler Landesarchiv, Bulsaun.

Litteratura:
U.M. Schwob, Die Herren von S. im Rahmen der Lebenszeugnisse Oswalds von Wolkenstein, en: Tirol zwischen Zeiten und Völkern, 2002, 175-86.

Paul Eugen Grimm

lemma precedents Schlandersberg, Ulrich vonSchlans lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :