Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Juvalta, vonKaiser, Dolf lemma sequent

Juvalta, Wolfgang von
* 21-4-1838 (Wolfgang Konradin Luzius) a Visavraun, † 16-2-1873 a Turitg, ref., da Zuoz. Figl da Wolfgang, landamma, e da Maria n. Bazzigher, da Visavraun. ∞ 1863 Bertha Maria n. von Salis-Soglio, da Cuira. Gimnasi a Basilea, studi d'architectura al Politecnicum a Turitg. El ha acquistà il chastè d'Ortenstein en la Tumleastga il 1860 ed ha engrondì quest possess en ils onns 1860-68. Autur ed editur dad ovras impurtantas davart l'istorgia grischuna, tr.a. «Forschungen über die Feudalzeit im Curischen Rätien» (1871). Il 1867 ha el edì ils obituaris da la catedrala da Cuira («Necrologium Curiense»). El è era s'engaschà per in'amplificaziun e reorganisaziun da l'archiv dal chastè d'Ortenstein.


Litteratura:
P. Liver, Rechtsgeschichtliche Aufsätze, 1982, 487-518.

Peter Conradin von Planta

lemma precedents Juvalta, vonKaiser, Dolf lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :