Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents GaudentiusGaudenz, Duri lemma sequent

Gaudenz, Domenic [Men Gudench]
* 22-5-1899 a Schlarigna, † 26-7-1982 a Scuol, ref., da Scuol e da Schlarigna. Figl dad Otto, plevon, e dad Ulrica n. Könz, da Guarda. Frar da Jachen Ulrich. ∞ Erica n. Biveroni, da Bever. Gimnasi a Cuira, stud.med. a Würzburg, Vienna e Turitg, dr.med. Scolaziun supplementara a Londra 1928-32. Pratica da medi a Scuol 1932-67. Comm. da la Societad internaz. da balneologia. Mastral dal cirquit da Suot Tasna e comm. dal Cussegl grond 1943-45. Pres. da l'UdG 1947-51. Grond engaschament en favur da la lingua, cultura e cuminanza da la regiun, rimnader d'inscripziuns sin chasas da l'Engiadina Bassa, autur da vocabularis spezials (corp uman e.a.) sco era da dramas e raquints, translatur da litteratura tud., tal. ed engl. en rumantsch. Ami e collavuratur da Men Rauch.


Ovras:
Giob l'etern, 1947 (drama); Die Reformatoren des Engadins, 1970; Algordanzas, 1979; Erinnerungen eines Landarztes, 1974 (autobiogr.); Nos cumün da Scuol in temps passats, 1982.

Litteratura:
Annalas, 96/1983, 219-21 (cun fotogr.); A. Condrau, Helfen und Heilen, 2009², 98-110.

Adolf Collenberg

lemma precedents GaudentiusGaudenz, Duri lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :