Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Badrutt, CasparBadrutt, Peter Robert lemma sequent

Badrutt, Johannes
* 2-4-1819 a Samedan, † 1-11-1889 a S. Murezzan, ref., da Pagig. Figl da Johannes, impressari e commerziant da ferramenta. ∞ Maria n. Berry, da Cuira, sora da Peter Robert Berry, medi da cura a S. Murezzan. Suenter l'emprendissadi a Cuira e Clavenna ha B. lavurā en l'interpresa dal bab ed ha manā l'Hotel A la vue du Bernina a Samedan. Fittanza (1855) ed acquist (1858) da la pensiun Faller a S. Murezzan. B. ha transfurmā questa pensiun sut il num Hotel-Pension Engadiner Kulm en in dals hotels da luxus ils pli impurtants da la Svizra ed ha mess, tras in acquist da terren planisā, la basa per in vair imperi d'hotels da sia fam. a S. Murezzan. Il 1882 era B. il segund grond possessur da terren dal lieu. Il 1878/79 ha el laschā installar en l'Engadiner Kulm l'emprim implant da glisch electrica da la Svizra. Giasts britannics han contribuė considerablamain a la fluriziun da ses hotel e dal lieu da sport S. Murezzan ed han introducė lā il tennis, il curling, il bobsleigh, il skeleton ed il golf. Il self-made man B. č era daventā enconuschent sco collectader d'art e benefactur.



Litteratura:
S. Margadant, M. Maier, St. Moritz, 1993.

Silvio Margadant

lemma precedents Badrutt, CasparBadrutt, Peter Robert lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: