Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents FamigliaFanas lemma sequent

Famos, Luisa
* 7-8-1930 a Ramosch, † 28-6-1974 a Ramosch, ref., da Ramosch. Figlia da Jon, pur, e dad Uorschla n. Vonmoos, da Ramosch. Biadia da Jon Vonmoos. ∞ Jürg Pünter, inschigner, da Bubikon/ZH. Furmaziun a la magistra primara a Cuira. Scolasta a Sertig, Vnà (vischn. da Ramosch), Guarda, Dietikon/ZH ed Altstätten/SG. Tr. il 1969 ed il 1972 ha F. vivì en Honduras e Venezuela, a partir dal 1972 a Bauen/UR. Ella ha publitgà sia lirica en div. revistas sut il pseudonim Flur da Riva; il 1967 ha ella laschà stampar il raquint «L'hom sün fanestra». Las collecziuns da poesias «Mumaints» (1960) ed «Inscunters» (1974) stattan sut l'ensaina d'ina tradiziun (Bibla, chanzuns popularas) ch'ella ha transfurmà efficaziamain "da l'intern" cun vers libers ed ina concisa densitad expressiva. F. vala sco in'impurtanta renovatura da la poesia rumantscha.


Ovras:
Poesias/Gedichte, 1995 (1996²).

Litteratura:
Bezzola, Litteratura, 744-51; Deplazes, Funtaunas 4; A. Ganzoni, Güst sia simplicità ais la forza - Luisa F. […], en: Annalas, 118/2005, 35-56.

Clà Riatsch

lemma precedents FamigliaFanas lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: