Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents EginoEgli, Tobias lemma sequent

Egli, Raphael
* 28-12-1559 a Frauenfeld, † 20-8-1622 a Marburg, refurmà. Figl da Tobias. ∞ 1583 Susanna n. Schmid, figlia da Sebastian, plevon ad Oberwintertur. Giuventetgna e scolas a Tavau, Russikon/ZH, Cuira e Clavenna. Stud.teol. a Turitg, Genevra e Basilea. Inspectur dals scolars d'internat al Fraumünster a Turitg 1588, diacon al Grossmünster e prof. da teologia dal «Nov Testament» 1592, emprim archidiacon 1596. Rectur da la Scola naz. superiura a Sunder 1584. Cun sia disputaziun (1594) e ses «Bericht vom Kirchengesang» (1596) ha el preparà la via al chant da baselgia. Prob. redactur da l'emprim cudesch da chant da Turitg dal 1598. E. aveva latinisà ses num en Iconius Percaeus. Ruinà finanzialmain tras ses experiments alchemistics, ha el stuì bandunar Turitg il 1605 ed è daventà dr. e prof. da teologia a Marburg. Il 1595 ed il 1609 ha el publitgà las prelecziuns da Giordano Bruno ch'el aveva scuntrà il 1591 a Turitg.


Litteratura:
M. Jenny, Das erste offizielle Zürcher Gesangbuch von 1598, en: Jahrbuch für Liturgik und Hymnologie, 7/1962, 123-33; G. Schmidlin, Raphael E. (1559-1622), en: Nova Acta Paracelsica, nova retscha 11, 1997, 79-86.

Andreas Marti

lemma precedents EginoEgli, Tobias lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: