Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Chant choral rumantschChanzun populara rumantscha lemma sequent

Chanzlia chantunala
Fundada suenter l'introducziun da la Mediaziun l'avr. 1803. Post da stab ed instrument da gestiun da la Regenza e dal Cussegl grond. La Veglia Republica na disponiva betg d'ina atgna chanzlia. Il scrivant da la citad da Cuira era a medem temp era scrivant da la LCD e da la Republica. La Chanzlia chant. sa chattava l'emprim en la chasa dals Trais Retgs, dapi il sett. 1803 en il Neues Gebäu che serva dapi alura da sedia a la Regenza grischuna (chasa acquistada ils 24-4-1807). Chanceliers chant.: Christian Carl von Wredow, Cuira (1803-27), Vincenz von Planta, Samedan (1828-36), Philipp Hössli, Novagnas (1836-45),  Johann Baptista von Tscharner, Cuira (1846-75), Gallus Marchion, Valendau (1876-90), Georg Fient, Luzein (1891-1912), Achille Gengel, Curvalda (1913-29), Giusep Desax, Mustér (1930-53), Peter Seiler, Arbon e Triboltingen/TG (1954-74), Fidel Caviezel, Sumvitg (1974-91), Claudio Riesen, Sta. Maria Val Müstair e Rüschegg/BE (dapi il 1991).


Litteratura:
F. Caviezel, 200 Jahre Bündner Kanzleidirektoren, en: BJb, 2003, 117-36.

Adolf Collenberg

lemma precedents Chant choral rumantschChanzun populara rumantscha lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: