Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents AlmensAlpsu lemma sequent

Alpinissem
Inizià prob. da chatschaders e pasturs. L'alpinissem, pratitgà per raschuns sportivas, scientifics u artisticas, è doc. en il Grischun dapi l'entschatta dal temp modern. Il 1559 han Johannes Fabricius Montanus, Zacharias Beeli e Johann Pontisella ascendì per l'emprima giada il Calanda. Avant il 1742 ha Nicolin Sererhard superà il Scesaplana, ed il plevon Luzius Pol ha ascendì sco emprim alpinist numerusas muntognas en il Partenz. Il piunier da l'alpinissem grischun il pli impurtant è stà il pader da Mustér, Placi a Spescha, ch'ha ascendì e cartà tr.a. il Piz Cristallina ed il Scopi (1782), il Pez Ault (1783), il Badus (1785), il Pez Valragn (1789), il Pez Tgietschen (1793) ed il Terri (1801). El ha contribuì essenzialmain a la perscrutaziun da las muntognas grischunas ed a la popularisaziun da l'alpinissem. En l'Engiadina ha Johann Wilhelm Fortunat Coaz realisà 21 primascensiuns, tr.a. quella dal Piz Bernina (1850), ens. cun las guidas da muntogna Jon e Lorenz Raguth Tscharner da Sched. Il 1893 han Carl Stäubli e Carl Egger superà cun ils skis il Piz Cotschen d'Arosa, il 1898 Claudio Bernard Saratz il Piz Corvatsch. Ina rolla impurtanta en il svilup da l'alpinissem grischun han giugà en il 19. tsch. las guidas da muntogna indigenas, activas o.t. en l'Engiadina: tr. quels Jan Colani, Alexander Flury, Hans e Christian Grass, Johannes Gross, Martin Schocher, Christian Zippert e Christian Klucker. Grazia a l'avertura da las muntognas tras telefericas è l'alpinissem sa sviluppà en il 20. tsch. ad in sport da massa ed è daventà in factur impurtant per il turissem. Oz vegnan superadas las muntognas grischunas adina dapli era da raividers (stils classic e liber), e quai sin rutas pli e pli extremas e durant l'entir onn.


Litteratura:
C. Klucker, Erinnerungen eines Bergführers, 1930; I. Müller, Pater Placidus Spescha, 1974; H. Meili, Bergreisen und Bergsteigen in Graubünden, 1977; H. Philipp, R. Matossi, Bündner Bergführer, 1996.

Kurt Wanner

lemma precedents AlmensAlpsu lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: