Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Conrad, HansConrad, Paul lemma sequent

Conrad, Mattli [Matthias Conradi]
* 15-1-1745 ad Andeer, † 26-12-1832 ad Andeer, ref., dad Andeer. Figl da Frederic, mastral, e da Duscha n. Cantieni, da Pignia. ∞ Christine n. Sprecher (von Bernegg), da Tavau, figlia da Georg Sprecher (von Bernegg). Furmaziun al Carolinum a Turitg 1764-66. Ordinà 1766, preditgant ad Andeer 1767-99 e 1804-28, Serneus 1801-03 e Maton 1803-04. Autur da cudeschs da scola rum., p.ex. d'in «Extract da la historia da la vitt'a character da Nies Senger Jesu Christi» (1783), da «Canzuns spiritualas cun melodias» (1784, 1825²) e da litteratura edifitganta. C. è vegnì deportà dal 1799-1801, ens. cun P. Placi a Spescha e.a., a Puntina ed a Graz, nua ch'el è sa deditgà a la filologia rumantscha. Il 1820 è cumparida sin iniziativa da Johann Gottfried Ebel e da Wilhelm von Humboldt sia «Praktische deutsch-romanische Grammatik [...]», il 1823 il «Dictionar (Lexicon) da tasca dilg linguaig romansch-tudesc» ed il 1828 il «Taschenwörterbuch der Deutsch-Romanischen Sprache». Comm. da la Societad economica dal Grischun e collavuratur da «Der Neue Sammler» a partir dal 1804.


Ovras:
BR, nrs 1499-1506.

Litteratura:
G. Conrad, Ser Mattli C. (Conradi), il giuven, 1745-1832, en: Annalas, 45/1931, 264-300; Bedeutende Bündner 1, 327-30; Bezzola, Litteratura, 263, 322 s.; Deplazes, Funtaunas 2.

Adolf Collenberg

lemma precedents Conrad, HansConrad, Paul lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :