e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Conrad, Giachen Conrad, Mattli [Matthias Conradi]  Conrad, Hans * 8-4-1887 ad Eisenach (Turinga), † 2-9-1961 a Lavin, ref., da Tavau e Lavin. Figl da Paul. ∞ Emma n. Brunner, figlia da Jon Andri, da Lavin. Studi d'inschigner al Politecnicum a Turitg. Collavuraziun a la construcziun da la VR en Surselva ed en Engiadina Bassa 1910-14, pli tard inschigner da secziun e 1936-52 inschigner superiur da la VR. En quella funcziun è C. s'engaschà per l'amplificaziun e la modernisaziun tecnica da la VR. Comm. da differents gremis naz. per la viafier. Dasperas è el sa profilà sco perscrutader da la preistorgia e da l'istorgia tempriva dal Grischun, o.t. en l'Engiadina. Exchavaziun da l'ospizi medieval e da relicts d'ina culegna rom. sin il Pass dal Set 1933-36 e scuverta d'in sanctuari sin il Pass dal Güglia 1934-38. Ulteriuras exchavaziuns sin la Muotta da Clüs a Zernez 1930-31, sin il Padnal a Susch 1935-36, a Scuol-Russonch 1959-60 ed en div. auters lieus da chats archeologics en l'Engiadina. Div. publicaziuns, tr.a. «Schriften zur urgeschichtlichen und römischen Besiedlung des Engadins» (1981²).    Litteratura: BJb, 1962, 183-85. Jürg Rageth  Conrad, Giachen Conrad, Mattli [Matthias Conradi]  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: