e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Caviezel, Carl Johann Caviezel, Flurin  Caviezel, Fidel * 1-2-1926 (Fidel Alois) a Sumvitg, † 16-1-2009 a Cuira, cat., da Sumvitg. Figl da Giachen Benedetg, pur, e da Maria Ursula n. Wieland, da Sumvitg. ∞ Hilda n. Wieland, da Sumvitg. Gimnasi a Mustér, stud.iur. a Friburg, dr.iur. 1956 («Die besonderen Absichten bei den Urkunden des 11. Titels des Schweizerischen Strafgesetzbuches [...]»). Advocat a Cuira e collavuratur giuridic en il Dep. da finanzas e militar 1954 (secretari a partir dal dec.). Directur da la chanzlia chant. 1974-91. Promotur d'ina ediziun dal Cudesch da dretg grischun era en talian e rumantsch. Suprastant da la CRR a partir dal 1968, pres. 1985-96 (comm. d'onur). Sco tal è el s'engaschà cun success per la renconuschientscha da la CRR sco societad regiunala da la SSR, quai ch'ha pussibilità da schlargiar massivamain las emissiuns rumantschas. Ovras: 50 onns CRR 1946-1996, 1996; 200 Jahre Bündner Kanzleidirektoren, en: BJb, 2003, 133 s. (cun fotogr.). Adolf Collenberg  Caviezel, Carl Johann Caviezel, Flurin  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: