e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Caprez, Ludwig de Caratsch, Simon [Simeon]  Caratsch, Reto * 6-5-1901 a Turin, † 20-10-1978 a Turitg, ref., da S-chanf. Figl da Flori e da Luigia n. Robbi. ∞ 1932 Irma Anita n. Pidermann, figlia da Hans Carl. Scola chant. a Cuira, stud.iur. a Genevra, Roma e Turitg. Correspundent da la «NZZ» a partir dal 1925, a Berna 1927-28, a Berlin 1930-40 ed a Paris 1947-63. Publicist engaschà cunter las dictaturas da ses temp. Autur da «La renaschentscha dals Patagons» (1949), ina satira che lavura cun ils meds da la travestia grotesca e che fa allusiun a la Renaschientscha retorum. cun ses funcziunaris e sias instituziuns. Cun il raquint «Il commissari da la cravatta verda» (1952) è C. sa participà a la discussiun davart l'explotaziun da la forza idraulica en il Grischun tras interpresas da l'exteriur. En sia ovra «Il program da Schlarigna» (1954) ha el pretendì dals Rumantschs sacrifizis voluntaris a favur da lur lingua. Archiv: AFS; ASL, relasch. Ovras: Ouvras, 1983. Litteratura: Bezzola, Litteratura, 497-504; Deplazes, Funtaunas 3, 209-12; M. Bundi, Bedrohung, Anpassung und Widerstand, 1996, 71; Curaschi civil [film da TvR], reschia: B. Giossi, R. Bruderer, 2002. Clà Riatsch  Caprez, Ludwig de Caratsch, Simon [Simeon]  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: