e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Adam da Chamues-ch Adda  Adam da Val Druschauna Persuna prominenta da l'aristocrazia retica dal 10. tsch., oriund da la Val Druschauna en il Vorarlberg. El è vegnì condemnà a la mort avant l'onn 949 d'ina dretgira imperiala per avair commess in crim, dal qual ins n'ha betg pudì al cunventscher; A. ha dentant pudì evitar sia execuziun, entrond en il stan ecclesiastic. Ses grond possess da terren è vegnì confiscà. La fugia dal mund a Frasune en il Grosses Walsertal (Vorarlberg) ha manà a la fundaziun d'in convent consecrà a s. Gerold. Il 1. da schan. 949 ha A. obtegnì la grazia da l'imp. Otto I, quai ch'ha intimà el da regalar ses possess, inclus il convent da S. Gerold, a la claustra da Nossadunnaun. Litteratura: B. Bilgeri, Geschichte Vorarlbergs 1, 1971, 104. Martin Bundi  Adam da Chamues-ch Adda  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: