Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Camenisch, Giusep MariaCamenisch, Paul lemma sequent

Camenisch, Nina
* 23-4-1826  (Anna Katharina) a Sarn, † 13-10-1912 a Sarn, ref., da Sarn. Figlia da Johann Anton, pur, mastral e derschader, e dad Ursula n. Buchli. Nubila. Essend sia mamma savens malsauna, è C. creschida si tar il tat e la tatta davart da la mamma a Versomi. Il tat, in anteriur uffizier da l'armada sarda, ha sveglià ses interess per l'istorgia, ils pajais lontans ed o.t. per la litteratura greca. Suenter in onn en il pensiunat da mattas a La Neuveville/BE, è C. turnada a lavurar sin il bain puril da ses geniturs ed ha cumenzà a scriver poesias e raquints ed a correspunder cun litterats. Il 1856 ha Otto Carisch publitgà sias «Gedichte eines Bündner'schen Landmädchens», senza numnar l'autura. I suondan ulteriuras publicaziuns, tr.a. in cudesch da poesias, scrittas en collavuraziun cun ses frar tschorv Georg. Placidus Plattner ha sveglià l'interess per las legendas popularas en C. ch'ha intervistà la glieud da la regiun e rimnà ditgas, chanzuns, proverbis e versets d'uffants, reelavurads da Plattner per ina publicaziun. Ils texts originals èn cumparids pir il 1987.
 


Ovras:
Die Sagensammlung der Dichterin Nina C. (1826-1912) von Sarn, ediz. commentada dad U. Brunold-Bigler, 1987.

Litteratura:
F. Pieth, Die Dichterin Nina C. in ihren Briefen an Prof. Otto de Carisch, en: BM, 1938, 33-47; D. Stump e.a., Deutschsprachige Schriftstellerinnen in der Schweiz, 1700-1945, 1994, 54 (reg. d'ovras).

Doris Stump

lemma precedents Camenisch, Giusep MariaCamenisch, Paul lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :