Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents CalantgilCalfraisa lemma sequent

Caldar, Gian
Erox legendar da la Muntogna da Schons dal 15. tschientaner. Tenor la legenda residiava in nausch avugà dal cont de Werdenberg-Sargans sin il chastè da Farden. Ina giada duai avair chatschà il famegl da quel plirs chavals sin la pastgira da C. ch'haja puspè scurrentà quels cun la furtga e saja perquai vegnì mess en fermanza. Suenter sia deliberaziun saja l'avugà s'envidà sez a gentar tar C. A maisa duai el avair spidà sin il past, cumandond als Caldars da mangiar quel. C. haja prendì il tiran per la tatona, haja chatschà il chau da quel en la stgadella ed haja alura stranglà el. Giacun Hasper Muoth ha descrit questa scena famusa sco suonda: "Sche maglia ti tez, ha Caldar lu sgargniu, / La pult che ti has da maniera cungiu. / E'vent igl ugau guspirau il puschlau, / Ha Gian il malmund culla detta strunglau." Cun agid da la glieud da la val haja C. alura mess fieu als chastels da Farden e da Balamburtg. La legenda cumpara savens en la litteratura grischuna ed en ils cudeschs da scola.


Litteratura:
P. Plattner, Johann C., 1863 (versiun rum. da G.A. Bühler, 1887); T. Wiget, A. Florin, Der Vogt von Fardün und Johann C., en: Vaterländisches Lesebuch, 1887, 24-26; Muoth, Ovras 1, 268, vers 25-28.

Martin Bundi

lemma precedents CalantgilCalfraisa lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :