e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Caflisch, Albert Caflisch, Johann Anton  Caflisch, Artur * 16-6-1893 a Zuoz, † 31-5-1971 a Samedan, ref., da Trin. Figl da Luzi Balthasar, scrinari, e da Notta n. Denuder. ∞ 1925 Gentilia n. Percassi, burgaisa taliana. Seminari scolastic a Cuira, scolast a Sta. Maria en Val Müstair, dasperas studi da litteratura, istorgia d'art, filosofia e musica a Turitg e Vienna. Scolast a S. Murezzan. Il 1936 è C. sa domicilià a Zuoz, nua ch'el è stà activ sco advocat, politicher, schef da fabrica, translatur e scriptur. Autur da novellas, dramas, aforissems ed essais. C. vala sco il "maister dals vers" (Andri Peer) e renovatur da la lirica umoristica e satirica rum. («Mia musa», 1961, 1968, 1971). Div. da sias poesias èn vegnidas intunadas da Gion Antoni Derungs, Hedwig Humm, Anny Roth-Dalbert, Oreste Zanetti e Conrad Bertogg. El ha cultivà in stil da viver anticonformistic. Ovras: BR, nrs 866-82; L’ouvra litterara ed oters scrits, 1993. Litteratura: Bezzola, Litteratura, 491 s., 621-23, 771; A. Peer, Artur C. Poet lad. diffamà ed admirà, en: Radioscola, 25/1979, 6. quad., 1-25; Deplazes, Funtaunas 3; LTS, 326 s. Thomas Blubacher  Caflisch, Albert Caflisch, Johann Anton  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: