Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents CadiCadisch, Claudia lemma sequent

Cadieli, Gion
* 26-1-1876 a Sagogn, † 1-11-1952 a Sagogn, cat., da Sagogn. Figl da Gion Dumeni, scolast, e da Maria Josefina n. Cavelti, da Sagogn. Gimn. a Mustér e Nossadunnaun. Stud.teol. a Cuira 1897-1901 e stud.fil. a Friburg 1901-02. Magister gimnasial a Sviz 1902-07. Plevon a Vrin (fin il 1918), alura a Trun (fin il 1942) ed a Sevgein (fin il 1950). Decan dal chapitel sursilvan 1948-52. Autur da lirica da tempra satirica («L'exposiziun»), sentimentala («La lavina», «Unviern») ed umoristica («La pugniera», «La parlera»). Numerusas da sias poesias èn vegnidas intunadas, tr.a. da Hans Erni, Duri Sialm e Gion Antoni Derungs. Translatur d'insaquants dramas istorics tudestgs. Undrà cun il Curtin d'onur da la LG a Trun; tavla commemorativa a Sagogn.


Ovras:
Gion C., Ovras, edidas da L. Deplazes, 1983 (cun biogr. e bibliogr.).

Litteratura:
Bezzola, Litteratura, 615, 769, 773 ann.; Deplazes, Funtaunas 3, 93 s.; G. Deplazes, Gion C., en: Annalas, 117/2004, 158-61.

Adolf Collenberg

lemma precedents CadiCadisch, Claudia lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: