Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents AlvaschagnAlvra, Pass da l' lemma sequent

Alvra
Flum e district. 1349 Ilbelle, tud. Albula. L'A. nascha al nord dal Pass da l'A. sin il territori da Bravuogn e drenescha ina buna part dal Grischun Central. A Filisur sbucca la Landwasser ed a Casti la Gelgia en l'A. che traversa alura il Meir e sbucca a Farschno en il Rain Posteriur. L'archeologia cumprova per la Val d'A. in'industria metallurgica dal temp da bronz. OE da la vischn. da Bravuogn a Preda (1904), da la citad da Turitg cun centrala a Seglias (1910) e da las OE A.-Landwasser cun centralas a Filisur (1965) e Casti (1988).
Il district d'A. è vegnì stgaffì il 1851; i sa tracta d'in construct artifizial senza antecessurs istorics. Quest district cumpiglia ils cirquits da Surses, Bravuogn, Belfort ed Alvaschagn ch'han remplazzà il 1851 las veglias dretgiras da Stalla, Surses, Casti, Vaz, Bravuogn, Belfort Dadora e Belfort Dadens.


Litteratura:
K. Egli, Die Landschaft Belfort im mittleren Albulatal, 1978; HbBG 1.

Jürg Simonett

lemma precedents AlvaschagnAlvra, Pass da l' lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :