Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Gaudenzi, BernardinoGelgia lemma sequent

Gaudenzi, Paganino
* 3-6-1595 a Poschiavo, † 3-1-1649 a Pisa, ref., dapi il 1616 catolic. Cusrin da Bernardino. Oriund d'ina fam. bainstanta. Il 1614 ha G. doctorà en teologia e dretg a l'Univ. da Tubinga ed è alura daventà preditgant ref. a Clavenna. Suenter  la conversiun e l'ordinaziun sacerdotala (cat.), è el sa deditgà a la predicaziun. Il 1618 è el sa rendì a Roma ed è entrà en servetsch da la Congregatio de Propaganda Fide. Il 1623 è el vegnì delegà sco missiunari en Rezia. Da return a Roma il 1624, è el vegnì nominà prof. da lingua greca a l'Univ. La Sapienza ed è sa deditgà mo anc a ses studis. Il 1628 è el daventà docent da retorica e dretg feudal a Pisa. Sias scrittiras, redigidas en tal. e lat., èn collecziunadas en ina quarantina volums. Sias emprimas ovras reveleschan ina clera tenuta anticalvinistica. G. ha correspundì cun impurtantas persunalitads da ses temp, tr.a. cun Alessandro Tassoni, Gabriello Chiabrera, Giovanni Battista Doni e Pietro Sforza Pallavicino.


Litteratura:
F. Menghini, Paganino Gaudenzio, letterato grigionese del ‘600, 1941; G. Godenzi, Paganino G., 1975 (1995²); G. Godenzi, Epistolario (1633-1640) di Paganino G., 1991.

Francesca Negroni

lemma precedents Gaudenzi, BernardinoGelgia lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :