Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents FablasFabricius [Schmid], Andreas lemma sequent

Fabricius Montanus, Johannes
* l'atun 1527 (Johannes Schmid) a Bergheim (Alsazia Superiura), † 5-9-1566 a Cuira, ref., da Bergheim e da Turitg (1557). Figl da Jakob Schmid, mazler e maister d'ospital. ∞ 1) 1547 Katharina n. Stutz, figlia dad Ulrich, chaplan dal Grossmünster a Turitg, 2) ca. 1550 Agatha n. Ambühl, figlia da Rudolf. Scola elementara a Turitg, Basilea e Strassburg. Stud.teol. a l'Univ. da Marburg 1543-45, alura servetsch ecclesiastic e scolastic a Turitg, durant il qual el ha approfundà ses interess per las scienzas natiralas. Dal 1557 fin a sia mort da la pestilenza è el stà preditgant a la baselgia da S. Martin a Cuira. El è s'impegnà cun success per il mantegniment e la consolidaziun da la baselgia ref. en in Grischun politicamain ed ecclesiasticamain inquiet. L'ovra ch'el ha relaschà cumpiglia poesias e texts autobiografics, scrittiras teologicas e publicaziuns politic-ecclesiasticas.



Litteratura:
T. Schiess, Johannes F., en: Bullingers Korrespondenz mit den Graubündnern 2, edì da T. Schiess, 1905, VII-LXIII; NDB 4, 737 s.

Hans Ulrich Bächtold

lemma precedents FablasFabricius [Schmid], Andreas lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :