Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Derungs, Gion AntoniDerungs, Gion Giusep lemma sequent

Derungs, Gion Giusep
* 15-4-1932 a Surcasti, cat., da Surcasti. Figl da Christian Josef, scolast, e da Maria Ursula n. Blumenthal, da Surcasti. ∞ Maria Antonia n. Schatz, da Tartar. Seminari scolastic a Cuira, scolast primar a Cazas 1952-55, alura studi da scolast secundar a Friburg, scolast secundar ad Uors (vischn. da Suraua). Studis da musica al Conservatori da Basilea 1958-64: per chant (tar Walter Sterk) e dirigent da chor (tar Paul Schaller), diplom da musica per scola media; scolast da musica a la Scola chantunala a Cuira 1964-97. Dirigent da divers chors, tr.a. dal chor da la Scola chant., dal Chor masdo Surmeir e 1985-99 dal Chor Ligia Grischa. Expert a festas da chant, comm. da la cumissiun da musica da l'Uniun svizra da chant e da l'Uniun da chant dal Grischun. Coeditur da cudeschs da chant, cumponist, o.t. da musica vocala sacrala («Messa romontscha», 1968) e profana («Epigrams», 1989; «La barca», 1993) e da musica instrumentala (orchester, musica da chombra). Comm. d'onur da l'Uniun svizra da chant.


Ovras:
BMVR

Litteratura:
Schweizer Chor-Komponisten, 1999, 95-98 (cun reg. d'ovras); I. Cathomen, Il Chor Viril Ligia Grischa, 2002.

Adolf Collenberg

lemma precedents Derungs, Gion AntoniDerungs, Gion Giusep lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :