Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Deplazes, Giachen AntoniDeplazes, Placi Sigisbert lemma sequent

Deplazes, Gion
* 22-3-1918 a Surrein (vischn. da Sumvitg), cat., da Sumvitg. Figl da Giachen Mudest, tschentapignas e pur pitschen, e da Cristina n. Solèr, da Vrin. ∞ Carmelia n. Freimann, figlia da Giachen, chau-staziun. Seminari scolastic a Cuira, studi d'istorgia, litteratura tud. e pedagogia a Friburg ed a Turitg, dr.fil. 1947 («Geschichte der sprachlichen Schulbücher im romanischen Rheingebiet», 1949). Magister a la Scola chant. a Cuira a partir dal 1949, conrectur 1961-83. Incumbensà cun l'instrucziun da lingua e litteratura rum. a l'Univ. da Turitg ed a la Scola auta da S. Gagl. Autur da numerusas poesias, raquints, novellas, romans e gieus auditivs (tr.a. «Paun casa», 1960; «La Bargia dil tschéss», 1964; «Marlengia», 1980) sco era da lavurs litterar-istoricas (tr.a. «Die Rätoromanen. Ihre Identität in der Literatur», 1991). Sias ovras, situadas en il mund da las vals muntagnardas grischunas, vivan da la tensiun tr. la fidaivladad a la tradiziun e l'avertezza al nov. Tr. il 1987 ed il 1993 ha D. publitgà sut il titel «Funtaunas» quatter toms davart l'istorgia da la litteratura rum. per scola e pievel. Redactur da «Nies Tschespet» 1953-63. Pres. da la SRR 1963-88, comm. da la suprastanza da l'Academia svizra da las scienzas umanas 1984-90. Premi Schiller 1958 e 1980, Premi grischun da cultura 1998 e.a. Autur ordvart popular, o.t. en Surselva.


Archiv:
ASL, relasch.

Ovras:
Ovras, 14 ts, 1994-2008.

Litteratura:
Camartin, Gegenwartsliteratur, 105-26; Bezzola, Litteratura, 571-78, 672-74; Deplazes, Funtaunas 4; Riatsch/Walther, Literatur und Kleinsprache; LTS, 453 s.

Lucia Walther

lemma precedents Deplazes, Giachen AntoniDeplazes, Placi Sigisbert lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: