Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents BuchsBühler, Anton lemma sequent

Bühler, Anna Maria
* 4-8-1774 (Onna Maria Bieller) a Domat, † 25-11-1854 a Cuira, cat., da Domat. Figlia da Blasius Bieller, pur, e da Maria Ursula n. Ruodulf. ∞ 1) 1803 Joseph Jäger, da Vetten, 2) Heinrich Brandenstein, da Rothenburg (Hessen). En la battaglia tr. la reserva surs. e las truppas franz. duai B. avair commess ils 3-5-1799 a Domat in act eroic, essend "den Pferden in die Zügel gefallen [ed avend] die Canone dadurch aufgehalten und ihre Eroberung durch die Landleute bewirkt". Quest eveniment vegn menziunà per l'emprima giada en la «Churer Zeitung» dals 2-8-1799 e confermà uffizialmain da las autoritads com. ils 8-2-1804. A partir dal 1804 ha l'uschen. Kanonenmaid lavurà sco fantschella en la chasa dal cont Johann von Salis-Soglio a Cuira. Il 1812 ha ella gì in'audienza persunala tar l'imp. Franz I a Vienna e retschavì da quest ina remuneraziun ed in pensiun per vita duranta. Dapi la Festa fed. da tir dal 1842 a Cuira chatta l'act eroic accoglientscha en la litteratura patriotica ed en la publicistica naziunala.


Litteratura:
L. Bühler, Wie aus einer mutigen Tat eine Heldentat wurde, en: BM, 2001, 406-22.

Adolf Collenberg

lemma precedents BuchsBühler, Anton lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: