Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Schmid, AndreasSchmid, Heinrich lemma sequent

Schmid, Daniel
* 26-12-1941 a Flem, † 6-8-2006 a Flem, da Sagogn. Figl dad Arthur Schmidt, hotelier e musicist, e da Maria Carla n. Bivetti, hoteliera, da Segl e da Castasegna. Nubil. Studis d'istorgia e da schurnalissem a la Libra Univ. da Berlin 1962-68 ed a l'Academia tud. da film e televisiun a Berlin 1966-69. Suenter in'emprima ovra televisiva, «Thut alles im Finstern eurem Herrn das Licht zu ersparen» (1970), chatta S. attenziun sin plaun internaz. cun films sco «Heute Nacht oder nie» (1972), «La Paloma» (1974), «Hécate» (1982), «Il bacio di Tosca» (1984), «Jenatsch» (1987) e «Beresina oder die letzten Tage der Schweiz» (1999). Marcà d'ina educaziun orientada a las valurs dal 19. tsch. e - sco ses ami Rainer Werner Fassbinder - dal film expressiunistic tud. e dals melodramas lirics da Douglas Sirk, represchenta S. la visiun d'ina Svizra magica. Ses esteticissem raffinà n'excluda però betg la critica sociala e la satira provocativa. Sia ovra, profundamain originala, fa da S. il cineast il pli cosmopolitic ed in dals pli marcants dal kino svizzer. Premi grischun da cultura 1986, Leopard d'onur dal Festival internaz. dal film da Lucarn 1999.


Litteratura:
R. Jula, Daniel S.: The Ritual of Desire, 1991; Histoire du cinéma suisse 1966-2000, edì da H. Dumont, M. Tortajada, 2 ts, 2007; BJb, 2008, 154-63; F. Buache, Daniel S., 2008 (cun filmografia).

Christian Dimitriu

lemma precedents Schmid, AndreasSchmid, Heinrich lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :