Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Sola d'ErraSolavers lemma sequent

Solas
Abitadi en la vischnanca polit. da Vaz, situà a 1122 m sin ina terrassa a sanestra da l'Alvra, tud. Solis (uffiz.). L'areal è doc. per l'emprima giada il 1330 en l'urbari da Vaz sco possess dals baruns da Vaz. El sa chatta ad ina veglia via da colliaziun dal Schons sur Sameast (1859 m) e Mut Sura (1860 m) a las punts sur l'Alvra ed a Vaz. L'urbari menz. in obir hof ze soles, in andir hof ze soles ed in hof bi dien Bruggen. L'emprim abitadi correspunda a l'odierna vischnanca da Mut, il segund a S. per propi ed il terz a Frasteals a dretga da l'Alvra. Mut era gia a l'entsch. dal 14. tsch. ina culegna gualsra dals da Vaz e vegniva numnada avant il 16. tsch. Ober-Soles (rum. S. Sura). La menziun dal 1365 unz uff die Mutten reguarda mo la Muttner Höhi (2003 m) che furmava in cunfin territorial. Il num Mut è vegnì transferì pli tard era a la culegna permanenta da S. Sura e da Mut Sura. Gia il 1330 existivan pliras punts (hof bi dien Bruggen) a Frasteals (Punt Vedra, Punt da S.); en vischinanza da quellas èn construidas las punts modernas da la Viafier retica e da la via d'autos. Quai cumprova l'impurtanza strategica da l'anteriura colliaziun tr. il Schons e la Val d'Alvra sur Vaz.


Litteratura:
Kdm GR 2, 290, 310; Bundi, Besiedlung, 384; Planta, Verkehrswege 1, 29-74.

Martin Bundi

lemma precedents Sola d'ErraSolavers lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: