e-LIR / Lexicon
Assistenza e-LIR
Contact
Publicaziuns
Links
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
 Feuerstein, Johann * 30-1-1871 a Scuol, † 12-8-1945 a Scuol, ref., da Fuldera. Figl dad Anton, pur, e dad Anna n. Erni, da Fuldera. ∞ Colomba F., figlia da Menn, pur. Emprendissadi da fotograf a Puntraschigna tar Alexander Flury. Il 1898 ha el inizià sia activitad professiunala a Scuol, nua ch'el ha avert in simpel atelier da fotografia. Diplom da maister a Minca 1908, avertura d'in affar da fotografia a Scuol 1912. Stretga colliaziun cun il Parc Naziunal Svizzer (PNS, inaugurà il 1914), las cuntradas dal qual èn daventadas il center da la lavur fotografica da F. Ina chasa cun alloschi, gestida da sia dunna a S-charl a partir dal 1936, è daventada il lieu d'inscunter dals amis dal PNS. F. ha doc. la construcziun da la Viafier retica sco era las grondas catastrofas natiralas en la regiun (lavinas, incendis da vischnancas) ed ha realisà serias da fotografias per las firmas Bally e Maggi; daspera ha el lavurà per la societad da traffic da Scuol.
Ovras: Der Schweizerische Nationalpark, 1926; Fotoalbum Graubünden, 1926 (ens. cun A. Steiner e.a.).
Litteratura: Bündner Fotografen, edì da P. Hugger, 1992, 132-43.
Sylvia Bärtschi-Baumann

© HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada.
| |
|

Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :
|
|