Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents UPGUrbaris lemma sequent

Urbari curretic dals bains imperials
Register dals bains imperials (baselgias, bains roials e feuds cun vastas pertinenzas) e dals dretgs (tschains roials, taxas dals indrizs da traffic e da minieras) da l'Imperi en la Currezia, tradì dad Aegidius Tschudi en fragments ed ordinà tenor ministeris. L'urbari includa in register analog da l'abazia da Faveras. Arguments linguistics e reals permettan da datar quest urbari enturn il 840, prob. sco descriptio en vista a la partiziun da l'Imperi, stipulada a Verdun il 843. El è in dals paucs urbaris carolings mantegnids e furma qua tras ina funtauna impurtanta davart l'istorgia da la constituziun, da la baselgia, dal traffic, da la colonisaziun e da l'economia en general ed en Rezia en spezial. Ils numerus lieus numnads per l'emprima giada en quest urbari fan da quel ina funtauna impurtanta per la toponomastica dal temp medieval tempriv. 


Litteratura:
O.P. Clavadetscher, Zum churrätischen Reichsgutsurbar aus der Karolingerzeit, en: ZSG, 30/1950, 161-97; O.P. Clavadetscher, Das churrätische Reichsgutsurbar als Quelle zur Geschichte des Vertrags von Verdun, en: Zeitschrift der Savigny-Stiftung für Rechtsgeschichte. Germanistische Abteilung, 70/1953, 1-63; O.P. Clavadetscher, Nochmals zum churrätischen Reichsgutsurbar aus der Mitte des 9. Jahrhunderts, en: Zeitschrift der Savigny-Stiftung für Rechtsgeschichte. Germanistische Abteilung, 76/1959, 319-28; S. Grüninger, Das "Churrätische Reichsgutsurbar" innerhalb der Forschung des jungen Aegidius Tschudi, en: BM, 1993, 5-37.

Otto Paul Clavadetscher

lemma precedents UPGUrbaris lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: