Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Scola da dunnas dal GrischunScolas autas popularas dal Grischun lemma sequent

Scola da selviculturs
Oriundamain vegnivan scolads ils selviculturs en curs da quatter mais, pli tard da set ed otg mais. Per satisfar a las (novas) pretensiuns colliadas a l'acquist dal diplom fed. è vegnida averta ils 17-4-1967 la Scola da selviculturs regiunala en il Plantahof a Landquart. Il 1971 èn sa cunvegnids ils chantuns Uri, Sviz, Sursilvania, Sutsilvania, Glaruna, Zug, Schaffusa, Appenzell Dadora, Appenzell Dadens, Son Gagl, Tessin e Grischun sco era il Principadi dal Liechtenstein en in concordat da fundar la Scola da selviculturs interchant. a Maiavilla. La brev da fundaziun datescha dals 11-10-1972. L'avust 1974 è vegnida averta la nova Scola da selviculturs a Bovel sur Maiavilla che sa numna dapi il 2000 Center furmaziun guaud, dapi il 2008 Center furmaziun guaud e laina. Quel posseda (sco era a la scola da selviculturs a Lyss/BE) dapi il 1996 il status d'ina scola professiunala superiura da selvicultura. Dapi il 1994 cumpiglia la scolaziun al selvicultur in'instrucziun da 52 emnas a Maiavilla ed in practicum da 17 emnas utrò. Dapi il 1970 frequentan annualmain 20-30 scolars quest Center a Maiavilla.


Litteratura:
Rapp. annual, 1967-; 25 Jahre Försterschule 1967 bis 1992, en: Jahresbericht der interkantonalen Försterschule Maienfeld, 1991/92; Bündnerwald, 5/1993, 10-11.

Adolf Collenberg

lemma precedents Scola da dunnas dal GrischunScolas autas popularas dal Grischun lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :