Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Finer, Peter (von Aspermont)Firads lemma sequent

Finstermünz
Passadi fortifitgà a l'En en la vischn. da Danuder. 1241 Finsterminze, 1306 Vistemeza. La Via Claudia Augusta, terminada l'onn 46 s.C., manava sur il Pass da Raisch e traversava l'En a F. nua ch'igl ha existì dal temp rom. fin il 1854 in post da duana. La fortezza da Sigmundseck a F. datescha dal 1471. La via da Hochfinstermünz (erigida il 1854) cun la fortezza omonima traversa l'En al nordost e cuntinuescha da la vart sanestra dal flum. In contract dal 1868 ha reglà il cunfin contestà sut Tschlin: la Svizra ha obtegnì la vart sanestra da l'En fin avant Alt-F., ella ha dentant stuì desister da fortificaziuns al Munt Novella. Il 1923 è vegnida construida a la riva sanestra da l'En la via d'autos che maina tras l'Engiadina fin al cunfin austriac.


Litteratura:
M. Mittler, Pässe, Brücken, Pilgerpfade, 1988, 165-72.

Jürg Simonett

lemma precedents Finer, Peter (von Aspermont)Firads lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: