Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Ritter RotbartRizzi, Johann Anton [Giovanni Antonio] lemma sequent

Riva
Vischnanca polit. SG, distr. Sargans, al Lai Rivaun, tud. Walenstadt (uffiz.). R. è stà da vegl ennà ina staziun da sbartgament ed in lieu da deposit per rauba da transit; perditga da quai dattan fastizs che dateschan gia dal temp roman. La vischnanca è attestada per l'emprima giada en l'«Urbari curretic dals bains imperials» (ca. 840) sco Ripa Vualahastad, lieu da duana e da sbartgament). Umens libers e tributars garantivan, cun ina deschina da navettas, il traffic sin il Lai Rivaun. Per l'onn 855 è doc. sin il Lai Rivaun (in lacu Riuano), ultra da quatter navettas roialas, ina navetta libra da dazi en possess da l'uvestgieu da Cuira, staziunada a Quinten (in quinto loco). Il 960 ha confermà Otto I quest possess episcopal ed ha cedì a l'uvestg da Cuira era ils dretgs da pestga sin il Lai Rivaun ed en la Seez sco era la giurisdicziun sur ils Libers da R. Enturn il 1300 è R. daventada ina citad fortifitgada cun mir da tschinta e portas. La baselgia, erigida en il 9. tsch., è attestada il 1306 (patrocini dals ss. Flurin e Gliezi, ils vegls sontgs retics). R. ha appartegnì ecclesiasticamain a l'uvestgieu da Cuira fin il 1846.


Funtaunas:
BUB.

Litteratura:
G. Städler, Walensee-Schiffahrt, Linth-Schiffahrt, 1996.

Martin Bundi

lemma precedents Ritter RotbartRizzi, Johann Anton [Giovanni Antonio] lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :