Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Egli, TobiasEichhorn, Ambrosius lemma sequent

Ehrenfels
Chastè-fortezza situà sin in grip a dus stgalims al sid da Seglias. 1257 Herinuels, 1343 Erenuelss. En ruina dapi ca. l'onn 1740, è la fortezza vegnida reconstruida il 1935 per dar albiert a giuvenils. Questas lavurs èn succedidas senza accumpagnament e documentaziun archeologica da la construcziun dal cumplex. Las descripziuns dal stadi originar dal chastè-fortezza sa basan sin las observaziuns dad Erwin Poeschel. La part la pli veglia da l'implant era la tur d'abitar quadratica che datescha prob. da l'emprima mesadad dal 13. tschientaner. Il tract d'abitar ed il mir da tschinta cun portal pudessan datar dal 14. tschientaner. En il 16. tsch. èn succedidas midadas ed amplificaziuns pli grondas (palaz). Il chastè-fortezza era a ses temp prob. la sedia dals signurs von E., pli tard dals von Schauenstein, en possess dals quals el è restà fin viaden il 16. tschientaner. Il chastè è vegnì bandunà suenter il 1600.
  


Litteratura:
Poeschel, Burgenbuch, 202; Clavadetscher/Meyer, Burgenbuch, 138-42.

Maria-Letizia Boscardin

lemma precedents Egli, TobiasEichhorn, Ambrosius lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: