Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Muoth, Giacun HasperMurdieus lemma sequent

Murbegn
Vischnanca en la provinza tal. da Sunder, situada da la vart sanestra da la Vuclina giudim la val a la sortida da la Val Gerola e da la Val del Bitto. 2002 11 101 abitants. En il temp medieval tardiv era M. ina citadina fortifitgada cun palazs gotics. Suenter l'attribuziun a las Trais Lias (1512) č M. daventā la sedia uffiziala d'in podestat grischun. La citadina ha gė ina fluriziun economica en l'agricultura, l'artisanadi ed il commerzi, ella č dentant vegnida infestada dad epidemias da pestilenza e malaria (derasada da las palids da l'Adda) e dad invasurs venez., grischuns e milanais. Il 1525 han las truppas grischunas cumbattė il chastellan da Müsch ch'aveva occupā M. Enturn il 1550 existiva ina pitschna cuminanza ref. a M., cun temporarmain dus preditgants ed in'atgna baselgia consecrada a s. Peder. Causa la proximitad cun l'Italia sa trategnevan qua era blers fugitivs per motivs da religiun. L'Inquisiziun romana, che agiva davent da la baselgia da S. Antoni a M., ha provocā dispitas religiusas cun la Republica da las Trais Lias. Suenter il Murdraretsch en Vuclina (1620), ha la cuminanza ref. bandunā la vischnanca da M. Il 1563 han ins erigė a M. l'emprim ospital da la Vuclina. Dal 1592-93 č la Via S. Marc tranter M. e la citad venez. da Bergam vegnida amplifitgada ad ina impurtanta ruta da commerzi (Via Priulana, Via del sale). Il 1635 ha il duca Henri de Rohan victorisā ils Spagnols en vischinanza da M. durant la conquista da la Vuclina. Il 18. tsch. č stā in temp da quietezza cun in svilup ch'ha purtā bainstanza a la vischnanca. La stad 1797 ha la radunanza da la Societad patriotica a S. Pietro-Berbenno declerā, cun sustegn da la populaziun da M., la separaziun da la Republica da las Trais Lias. 


Litteratura:
G.R. Orsini, Storia di Morbegno, 1959.

Martin Bundi

lemma precedents Muoth, Giacun HasperMurdieus lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :