Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Perequaziun finanzialaPerini, Georg de lemma sequent

Perini, de
Famiglia domiciliada dapi la mesadad dal 14. tsch. a Samedan e Zuoz, dapi il 16. tsch. tempriv surtut a S-chanf; nobilitada tras l'imp. Rudolf II il 1600. Members dals P. èn stads uffiziants en las Trais Lias ed en Vuclina. La fam. è s'enritgida tras affars fatgs en Frantscha ed en Germania sco era tras facultads acquistadas en Vuclina. Plirs represchentants dals P. èn stads (sco Georg) aderents da la confraternitad dals herrnhuterans. En il 18. tsch. ha installà la fam. (o.t. Johann Heinrich) in'impurtanta biblioteca privata. En la Dispita per la giudicatura (1791-92), prorutta en Vuclina tr. ils frars Jakob, Peter e Johann Heinrich P. e Gaudenz von Planta, gievi apparentamain era per interess privats, ma principalmain per ils dretgs da suveranitad da las Trais Lias en Vuclina. Tras la separaziun da la Vuclina dal Grischun il 1797 e la Confisca ha la fam. P. subì grondas perditas da possess ed era pers influenza politica.
Litteratura:
P. Liver, Der Veltliner Judikaturstreit P./Planta 1791-92, en: JHGG, 1980, 7-48.

Silvio Margadant

lemma precedents Perequaziun finanzialaPerini, Georg de lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :