Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Calvin, JohannesCamathias, Flurin lemma sequent

Cama
Vischnanca polit., cirq. Roveredo, distr. Moesa, situada da la vart dretga e sanestra da la Moesa, cun las fracz. dad Al Pont e Norantola. 1219 Camma. 1826 171 abit.; 1850 214; 1860 272; 1900 250; 1950 254; 2000 474. Entaifer il Comun grande di Mesolcina (dretgira auta dal Mesauc) ha C. fatg part da la squadra d'amez (tal. squadra di mezzo), ecclesiasticamain dal vicariat da Roveredo. La baselgia parochiala da S. Murezi (menz. il 1219), separada il 1611 da la baselgia-mamma da San Vittore, è vegnida amplifitgada il 1656-62; l'arvieut en la nav datescha dal 1860. Menziun spez. meritan era la chaplutta da S. Gliezi, doc. il 1419 (stuccaturas dal 1660) e las ruinas dal chastè da Norantola. En ils onns 1955-75 è stada activa a C. ina firma da confecziun che deva lavur a 50 persunas. Dapi il 1987 exista ina firma da construcziuns en metal a C. Numerus pendularis, o.t. a Roveredo e Blinzuna, ed emigraziun periodica en Svizra tudestga. Las grottas da C. èn in'attracziun turistica particulara.



Litteratura:
R. Boldini, Itinerari artistici del Moesano, en: QGI, 59/1990, 140-52, 247-60; F. Giudicetti, Cenni storici sul Comune di C., 1990.

Cesare Santi

lemma precedents Calvin, JohannesCamathias, Flurin lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: