Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Peterelli [-Zündel], AlicePfeffer, Andreas lemma sequent

Petiziun dals 200
L'uschen. Petiziun dals 200, inoltrada da 173 burgais svizzers al Cussegl fed. ils 15-11-1940, ha appellà a mantegnair la neutralitad, ella ha dentant pretendì o.t. da vart da la stampa (censura) in'adattaziun a la Germania naziunalsocialistica. La plipart dals signataris derivavan da circuls academics, politics ed economics, situads politicamain a dretga, tr. quels era 80 uffiziers. Per mantegnair la libertad e tgirar bunas relaziuns cun tut ils vischins han els pretendì d'eliminar quels organs da pressa che stevan en servetsch d'ideas politicas estras e da relaschar schurnalists e redacturs inspirads da l'"idea diffusa d'ina democrazia mundiala internaziunala" (v.d. situads politicamain a sanestra). La Petiziun dals 200 è vegnida rendida publica pir curt suenter la guerra. La critica envers tendenzas conformisticas ed antidemocraticas en Svizra è sa concentrada silsuenter sin ils "duatschient", als quals è vegnida attribuida la rolla da bucs emissaris, entant che la tenuta, almain ambivalenta, da las autoritads statalas è strusch vegnida tematisada a ses temp. La Petiziun dals 200 cuntegna era 10 nums da Grischuns, tr.a. quels dad Andreas Sprecher von Bernegg (*1895) e dad Abraham Schmid. 


Litteratura:
G. Waeger, Die Sündenböcke der Schweiz, 1971 (cun il text da la petiziun e las trais glistas dals signataris, 254-61); M. Bundi, Bedrohung, Anpassung und Widerstand, 1996, 59-63; T. Peterhans, "Wann heim ins Reich?" Die politischen Säuberungen nach dem Zweiten Weltkrieg in Graubünden, lic. Turitg, 2005, 62-70.

Ruedi Brassel-Moser

lemma precedents Peterelli [-Zündel], AlicePfeffer, Andreas lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :