Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Luban [-Plozza], BorisLuck, Georg lemma sequent

Lucarn
Citad en il chantun Tessin, situada al Lai da L., tal. Locarno (uffiz.). L'onn 1154 ha l'imp. Friedrich I (Barbarossa) legà a la claustra da Mustér la vischnanca da L. e terren fritgaivel tr. ils lais da L. e da Ligiaun al pe da la ruta dal Lucmagn, promovida fermamain dad el sez. Da gronda impurtanza economica per il Grischun e la Svizra Orientala è stada dapi il temp medieval tardiv la fiera da muvel a L. (mez oct.). Fin a l'entsch. dal 18. tsch. cumpravan ils martgadants tal. il muvel directamain dals purs, pli tard stuevan els ir sezs sin las fieras tessinaisas a vender lur biestga. Il muvel ch'els na pudevan betg vender a Giubiastg vegniva puspè offert a Ligiaun ed a L. e las restanzas vendidas en l'Italia dal Nord. La fiera da L. ha gì sia fluriziun en ils onns 1840. Vers la fin dal 19. tsch. ha ella pers sia impurtanza per il Grischun.


Litteratura:
Müller, Abtei Disentis, 31, 43; Sprecher/Jenny, Kulturgeschichte, 42 (cun bibliogr. commentada 557 s.).

Adolf Collenberg

lemma precedents Luban [-Plozza], BorisLuck, Georg lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: