Il Lexicon Istoric Retic (LIR) č l'emprim lexicon tematic da la Svizra rumantscha. L'e-LIR, la versiun electronica da quest lexicon publitgada en l'internet, stat a disposiziun gratuitamain ad in vast public interessŕ.

Finamira

Il LIR ha la finamira da represchentar en maniera pli cumpletta pussaivel il svilup da l'intschess retic e grischun (Grischun triling actual ed intginas regiuns limitrofas) en ses connexs istorics e culturals ils pli multifars.

Cuntegn

Il LIR cuntegna artitgels da lieus, biografias, famiglias e tematicas specificas. El correspunda en quel senn al concept dal «Historisches Lexikon der Schweiz» (HLS). El n'č dentant betg ina simpla translaziun dal HLS, mabain in'ovra autonoma: ina gronda part dals artitgels tematics, oravant tut quels davart l'istorgia grischuna e la cultura rumantscha, čn vegnids redigids aposta per il LIR e sa chattan exclusivamain en quest'ovra. Quest'accentuaziun dat al LIR in'impurtanza regiunala e locala (optica specificamain rumantscha) ed avra el a medem temp ad aspects e cuntegns entaifer il rom svizzer ed europeic.

Publicaziun

Dapi il 1999 cumparan mintg'onn var 55 artitgels da lieus sco publicaziun preliminara en las Annalas da la Societad Rretorumantscha. Dapi il zercladur 2004 pon ins consultar il LIR en l'internet (e-LIR). Fin a la fin dal 2005 vegnan ad esser accessibels en furma electronica radund 50% dals artitgels dal LIR, fin a la fin dal 2008 l'entira collecziun. La publicaziun dal LIR en furma da cudesch č previsa per la fin dal 2009.

Lingua

Il LIR e l'e-LIR cumparan exclusivamain en rumantsch grischun. La Lia Rumantscha (Lia Rumantscha) tgira la correctadad linguistica. A partir dal 2006 vegn ad esser pussaivel l'access als artitgels era sur glistas da lemmas tudestgs e talians.

Infurmaziuns tecnicas

L'e-LIR represchenta in novum tecnic en il champ da la lexicografia mundiala: ils artitgels vegnan elavurads e redigids directamain en l'internet. La basa tecnica necessaria per quel intent č vegnida sviluppada en Svizra rumantscha tras l'ICSurselva a Glion (IC Surselva).

Redacziun

L'equipa dal LIR cumpiglia actualmain il manader da la redacziun LIR, dr. Adolf Collenberg, il redactur linguistic dr. Manfred Gross, il collavuratur linguistic e translatur lic. phil. Dumenic Andry e la translatura Ursulina Monn.