Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Widmer, AmbrosWido lemma sequent

Widmer [-Schlumpf], Eveline
* 16-3-1956 a Cuira, ref., da Mönchaltorf/ZH e Favugn. Figlia da Leon Schlumpf. ∞ Christoph W., insch.dipl. SPF, da Tusaun e Sumiswald/BE. Scola elementara a Favugn, gimnasi a Cuira, stud.iur. a Turitg, lic.iur. 1981, patenta d'advocata 1983 e da notara 1986, dr.iur. 1990 («Voraussetzungen der Konzession bei Radio und Fernsehen»). Actuara ad hoc da la Dretgira chant. 1981-87, advocata e notara cun in agen biro 1987-98. Giurada 1985 e mastrala dal cumin da Trin 1991-97, vicepres. da la PPS grischuna 1989-98, comm. dal Cussegl grond 1994-98. Sco emprima dunna cuss. guv. dal Grischun 1999-2007 (pres. 2001 e 2005, Dep. da finanzas e militar, il 2007 Dep. da finanzas e vischnancas). Pres. da la Conferenza dals directurs da finanzas Ost dal nov. 1999 fin l'oct. 2001, comm. (a partir dal 2000) e pres. (a partir dal sett. 2001) da la suprastanza da la Conferenza dals directurs chant. da finanzas, a partir dal 2001 comm. dal comité directiv da la Conferenza da las regenzas chantunalas. Actura decisiva tar l'emprim referendum chant. en l'istorgia dal Stadi fed. cunter uschen. PAchet fiscal da la Confed. ch'il pievel ha refusa ils 16-4-2004. Comm. (2004-08) e vicepres. (a partir dal matg 2007) dal cussegl da banca da la Banca naziunala svizra. Elegida cuss. fed. al lieu da Christoph Blocher ils 12-12-2007 (DFGP, dapi l'oct. 2010 DFF, 2012 pres. da la Confed.). Quest'elecziun cunter la voluntad da sia partida ha provocà l'expulsiun da la PPS grischuna da la partida-mamma svizra e secessiuns entaifer las partidas popularas d'auters chantuns (o.t. Berna, Glaruna, Turgovia).


Adolf Collenberg

lemma precedents Widmer, AmbrosWido lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :