Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents MazioMecanisaziun da l'agricultura lemma sequent

Mazio, Domenico
* a Roveredo, † suenter il 1726 en Germania, cat., da Roveredo. Figl da Giovanni e da Giacomina n. Riva. Architect renconuschì dal temp baroc tardiv, è M. stà activ en la Baviera Bassa, l'emprim a Passau ed alura a Landau e conturns, nua ch'el ha construì e projectà div. baselgias, caracterisadas il pli savens d'in mantè da pilasters e d'interiurs spazius e clers. Menziun spez. tr. las ovras da M., enconuschì medemamain sut il num Magzin, meritan ils clutgers da Haidlfing (1698-1700) e da Mettenhausen (1700), la chaplutta funebra da Ganacker (1700-03), la baselgia da Maria Hilf a Vilsbiburg (1701-04, cun Domenico Cristoforo Zuccalli), la baselgia parochiala da Landau (1713, che vala sco ses capodovra) e quella dad Ettling (oz Markt Pförring, 1719-20) sco era la baselgia da Nossadunna d'avust a Frauentödling (1716-26). El è era stà activ ad Aldersbach il 1705-34 ed en ils conturns da Griesbach il 1712-22.


Litteratura:
Zendralli, I magistri grigioni, 109 s.; M. Pfister, Baumeister aus Graubünden, Wegbereiter des Barock, 1993.

Cesare Santi

lemma precedents MazioMecanisaziun da l'agricultura lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :