Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Tarasp, Ulrich vonTarasp, von lemma sequent

Tarasp, Uta von
† 2 da dec. enturn il 1162, □ Mariamunt. Descendent da la fam. dals von Ronsberg (Baviera). Sora dad Albert, avat da la claustra da Scuol. ∞ Ulrich von T. Enturn il 1146 ha ella translocà la claustra benedictina, ens. cun ses um, da Scuol a S. Steffen/Barbusch ed il 1150 a Mariamunt, nua ch'ella aveva empruvà gia il 1131 da fundar ina claustra da mungias (S. Zeno). T. ha cooperà il 1151 a la renovaziun e dotaziun da la claustra da Müstair, transfurmada en ina claustra da mungias. Il 1162 (?) ha ella fatg en abit benedictin in pelegrinadi en Terrasontga, nua ch'ella ha acquistà numerusas reliquias. Ella è morta durant il viadi ed è vegnida sepulida a Mariamunt, nua che Ulrich ha fundà il 1163 in eremitadi per Berntrudis, l'accumpagnadra da T.  Ina represchentaziun picturala dad ella è sa mantegnida parzialmain en la cripta da Mariamunt; l'inscripziun respectiva è mo anc attestada en la cronica da la claustra da Mariamunt da Goswin. T. è morta senza descendenza.


Funtaunas:
BUB 1; Das Registrum Goswins von Marienberg, elav. da C. Roilo, 1996.

Litteratura:
I. Müller, Die Herren von T., 1980.

Ernst Tremp

lemma precedents Tarasp, Ulrich vonTarasp, von lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: